|
سلامْ وِ ايلِ سَگوَند / وِ گَپ گَپوُنِمْ
|
سلامِمْ وِ مَحسين / وِ غُلام خوُنِمْ
|
|
توُ كُرِ غُلام خا نجان / وحيد وِ نوُمِت
|
تا اَبد قَسَمْ حُرَمْ / مهِ هِي وِ جوُنِت
|
|
غُلامْ خوُ سَنگرَ نِشي/ هَمْ ديووُ دارِمْ
|
كار گشاء صُلح دوُس ايل/ كُمِيت سُوارِمْ
|
|
بَميرِمْ سي مِداليا / وِ سَرِ شوُنِش
|
بَميرِمْ سي خين وُ صُلح / مين ديوُ خوُنِش
|
|
اِ خدا توُ خالقِ / ايي كهكَشوُني
|
اِمروُ وِ دلْ دارِمْ / داغِ گروُني
|
|
نا صرِ خَوَر كِنيت / ديار غُربَت
|
بار سَفَر بَستهَ وحيد / دِ تهِ ايما رَت
|
|
مال بار ايلِ سَگوَند / دِ نِكنَه كوُچ
|
شكار چيش دِ نكُشهَ / پازنِ وا غوُرچ
|
|
سِيل بَكوُ وي سَرزمي/ چوُل بي سوُارِمْ
|
بوُغز گريتمهَ نِميلهَ / دَنگيِ وِرارِمْ
|
|
بَشوُرِمْ وا اَسرِ چَش / سَنگِ مِزارتِ
|
ايي سَفَر سي توُ زي بي/ تَركِ ديارِت
|
|
بِراروُ جَنگ آهوُ دَشت/ مَنهَ وِ ويرِمْ
|
كَسْ نَمَن دوُ قوُشني / سيشوُ بَميرِمْ
|
|
ايلِ سَگوَند اوُمانهَ / سي خاكسپاريت
|
بَميرِمْ سي مِرامِت / سي پيا داريت
|
|
مَر فَلك يادِ توُنهَ / بوُرَه دِ ويرِمْ
|
سَر بَنيمْ وِ بِيوُونهَ / بي كَسْ بَميرِمْ
|
|
آهَ سَرد هُمْ نِشينِت / تا آسموُنهَ
|
شوُ وُ روُز نالهَ كنهَ / بي هُمْ زبوُنهَ
|
|
بِراروُ نالهَ كِننَ / چي شير بيشهَ
|
داغْ وحيد موُندِگارَه / مَن سي هميشهَ
|
|
خوُوَروُنِت سي دِ وَر / ماتَمْ دِ بارَن
|
نالشوُ نالهَ بِرار / سيت بي قرارَن
|
|
مالگيا دِ هَرموُشي / كوُلا وِ راسا
|
بِرار وار زنيي كِرديِمْ / وا دَرِ حوُمسا
|
|
تفَنگيا بِرنوُ كوُتاه / اَسب سَگلاوي
|
شَنگ قطارشوُ كِردهَ بي / سي بادِراوي
|
|
نهَ ايل مَن نهَ طايفهَ / نهَ ديوُو داريِ
|
نهَ گَپ مَن نهَ كَد خدا / نهَ حَق دِراريِ
|
|
دِ تَنيا تَنيا ترِمْ / رَمِس دوُوارِمْ
|
سَر كوُچيلمْ اِشكسهَ / مُردهَ بِرارِمْ
|
|
نوُمْ وحيد چي آسارهَ / دوُ آسموُنهَ
|
مهِ گوُتمْ اوُ نَميرهَ / وِ تِيمْ بَموُنهَ
|
|
سَر كَشيمْ دِ حوُنكَت/ تاريك وُ سَردَه
|
لوُ وِ لوُ پَردهَ دلِمْ / كُل آهَ وُ دَردهَ
|
|
بيا بَنال تا بَناليمْ / دِ ايي زموُنهَ
|
روُزگار بي اَرزشهَ / وا كَسْ نموُنهَ
|
